Уладзімір Караткевіч
"Хто забыў сваіх продкаў ‒ сябе губляе, Хто забыў сваю мову ‒ усё згубіў"
☆☆☆
Васіль Быкаў
"Я ‒ беларус, мая родная мова ‒ беларуская"
☆☆☆
Якуб Колас
"Ніякае багацце людзей не бывае даражэйшым за іх родную мову"
☆☆☆
Янка Купала
"Хто не разумее беларускай мовы, той не павінен займаць урадовай пасады на Беларусі"
☆☆☆
Іван Мележ
"Хто не паважае родную мову, не паважае родны народ"
☆☆☆
Браніслаў Тарашкевіч
"Аснова нацыянальнага адраджэньня кожнага народу – яго родная школа"
☆☆☆
Ніл Гілевіч
"Сёння матчынай мовы, а заўтра Засаромiшся мацi самой?"
☆☆☆
Янка Сіпакоў
"Можа таму і памірае ад настальгіі (самай чорнай і самай сьветлай хваробы) чалавек, які пры жывой радзіме топча чужыя травы, лашчыць чужыя кветкі, чуе чужую мову ад сваіх дзяцей"
☆☆☆
Францішак Багушэвіч
"Яно добра, а нават і трэба знаць суседскую мову, але наперш трэба знаць сваю"
☆☆☆
Алесь Разанаў
"Кожны народ мае хаця б адзін геніяльны твор, і гэты твор ‒ мова"
Францішак Багушэвіч
"Шмат было такіх народаў, што страцілі найперш сваю мову, так як той чалавек перад скананнем, катораму мову займае, пасля і зусім замерлі. Не пакідайце ‒ ж мовы нашай беларускай, каб не умёрлі!"
☆☆☆
Уладзімір Караткевіч
"Дзве старонкі, дваццаць ці дзвесце... А можа, тысячы тысяч? Усё адно, нават іх будзе мала, каб годна ўславіць цябе, родная беларуская мова. Таму што мільёны тваіх людзей самім існаваннем сваім з самага пачатку дзён кожным трапным словам, кожнай любоўнай ці гнеўнай думкай, кожным знішчальным, здзеклівым, іранічным або, наадварот, добрым, лірычным сказам славяць цябе. І славіць будуць, пакуль не скончыцца жыццё людское і думка людская на Зямлі"
☆☆☆
Максім Танк
"З усяго таго, што лягло назаўсёды ў аснову святынi народа, бяссмерця яго, ‒ ты выткана, дзiўная родная мова."
☆☆☆
Ларыса Геніюш
"Сёньня на пласе родная мова. Вырваць жывую належыць з вагню. Слова «кахаю» – слабае слова. Мужнае слова – «абараню»!"
☆☆☆
Анатоль Крывіцкі
"Роднае слова. Яно ўваходзiць у наша жыццё з вуснаў мацi яшчэ ў маленстве. У цiхiм журчаннi матчыных песень-калыханак, у яе пяшчотных ласках мы пачынаем улоўлiваць яго своеасаблiвыя формы i гучанне. Незвычайнае хараство i зладжанасць чуецца нам у гучаннi роднага слова. Яно то ласкавае i пяшчотнае, як подых летняга ветру, то шырокае i плаўнае, як далячынь палёў i азёрныя блакiты, то звонкае i пералiвiстае, як празрыстыя крынiцы i песнi птушак, то суровае i грознае, як навальнiчныя хмары"
☆☆☆
Алесь Гарун
"Ты, мой брат, каго зваць беларусам, Роднай мовы сваёй не цурайся; Як нi зрокся яе пад прымусам, Так i вольны цяпер не зракайся."
☆☆☆
Анатоль Сыс
"Нам мова далася крывёю"
☆☆☆
Максім Багдановіч
"Выціскаючы беларускую мову з школы, мы хілім да растраты вынікаў велізарнай, шматвяковай духоўнай працы цэлага народа, збіваем думку дзіцяці з натуральных псіхалагічных сцяжынак і груба абцінаем ягоны душэўны свет"
☆☆☆
Зянон Пазьняк
"На справе змагацца з русіфікацыяй проста, я б сказаў, зусім проста. Трэба беларусам усюды і з усімі ў сваёй краіне размаўляць, пісаць і гаварыць — па-беларуску. Гэта тым больш проста, што беларуская мова – адна з найбольш дасканала распрацаваных, багатых і прыгожых моваў на сьвеце, у якой стварылася і сцьвердзілаля вялікая духоўная культура беларускага народу"
☆☆☆
Леў Сапега
"Не чужой якой мовай, але сваёй уласнай законы пісаныя маем і на любую крыўду адпор сваімі законамі дадзім. (Старажытнабеларускі арыгінал: "Не обчим яким языком, але своим власным права списаные маем и каждого часу чого нам потреба ку отпору всякое крывды ведати можем")"
☆☆☆
Вінцэнт Дунін-Марцінкевіч
"Ваш суд мне не страшны, хай злосна скавыча У будцы сабака, увагі на пса не звярну я. Як раіць пясняр Сыракомля, пішу я Цяпер, як заўсёды, на мове мужычай"
